Ад сэрца да сэрца 2011

Апісанне

Ідэя кнігі «Ад сэрца да сэрца-2011» належыць сябрам літаратурнага аб’яднання, створанага некалькі гадоў таму, якое актыўна працуе пад эгідай Таварыства па ўмацаванні сувязей з Расіяй, Украінай і Беларуссю «Skruv». У кнігу ўвайшлі творы 11 аўтараў. Гэта людзі розных нацыянальнасцей, рознага ўзросту, рознага лёсу. Іх аб’ядноўвае жаданне выказаць і падзяліць з іншымі сваё адчуванне і разуменне жыцця. Тэмы і матывы даволі разнастайныя: радасць і сум, каханне і разлука, дабро і зло, прырода, «космас» душы, мудрагелістасць чалавечых узаемаадносін і лёсаў – словам, усё тое, што хвалюе нас у штодзённым жыцці. І кожнаму з аўтараў удалося сказаць пра гэта нешта сваё і па-свойму.

Для адбору твораў створаны Літаратурны савет, у які ўвайшлі людзі з прафесійным вопытам працы з літаратурнымі творамі. Усе творы ў гэтым зборніку прадстаўлены на дзвюх мовах – рускай і шведскай. У кнігу ўвайшоў таксама тэкст, напісаны па-беларуску.

Кніга выйшла ў свет у верасні 2011 г. і складаецца са 115 старонак.